لماذا يخجل بعض الرجال من قول كلمة احبــــــــــــــــــــك

[ندى]

لماذا يخجل بعض الرجال من قول كلمة احبــــــــــــــــــــك



معظم الرجال تصعب عليه قول كلمة احبك لزوجته

يجدها صعبة للغاية بالرغم من انه يحبها ربما

يعبر عن هذا الحب بهدية في مناسبة ما او

بعشاء في احد المطاعم لكن الكلمة الجميلة لها

وقعها الشديد في اذن المرأة ثم الى قلبها مباشرة...

حتى ان البعض وهذا ما اسمعه من البعض ربما ينادي


زوجته بقوله ياهيه يابنت !!!!!!!!!

مالعيب في قول كلمة ياعيوني ياحياتي

هل تحطم هذه الكلمات الرجوله وتنزعها؟؟؟؟

هل اثرت الصحراء القاحلة في جفاف بعض منابع

الكلمات الجميلة وسيطرت الكلمة الخشنة محلها؟؟؟؟

نصيحة : "ايها الرجل اخبر زوجتك بمشاعرك نحوها فذلك ليس

عيبا حتى الكلمات الجميلة امام اولادك

تجعل البيت يشع حبا"...

[الفداغم]

الأخت الكريمة
صباح مساء نتغزل بجميع ما احتواه القاموس العربيي واللاتيني من مفردات الغرام..
النتيجه مأساوية
لا
يرضيهن إلا العبودية بكل ما تحمله الكلمة من معان

[بنت الأجاويد]

عامل الناس كما تحب أن تحب أن تعامل

لو كل رجل أعطى زوجته من كلمات الحب وأغدقها بالحنان والإحترام لأعطته ماتملك

ولكن للأسف بعض الرجال أسميهم بأشباه الرجال أكل ونوم وطولة لسان وإذا جاء راتب المرأه ياسلام تلاقي الكلام الحلو يهل

لو كل شخص أتبع طريقة النبي صلى الله عليه وسلم
لأصبحت المرأه تعامله كما تعامله خديجه رضي الله عنها Cant See Images

أنا أقول البعض لاتزعلون ...

[فدغم]

والله معكن حق يابنيات العم كلام بسيط تاكل به عقل المرأه

بس المشكله من يفكنا من حفرة جحا اللي تحت الطاقيه وعيت تمتلي فلوس

المرأه العربيه الأموره والدلوعه إذا قلت لها كلمة غرام وحب وحنان تبي عشر

وإذا قلت ميه تبي مليون وماتنتهي القصه

بس أنا تذيكيت سجلت لحبوبتي وأم عيالي كلام الحب اللي أعرفه بالجوال

وماطولك ياليل رددي ياحبيبتي وخصوصاً لما أبسافر وأطول

تحياتي

.

.

[الفدغمي التميمي]

هناك جفاف عاطفي لدى الجميع ، و كلمات الحب في مقامها ، و لكل مقام مقال .

[أبو عبدالرحمن]

خلونا نكون سلميين شوي بدل ما يغطي كل طرف عيوبه بعيوب الطرف الثاني
ونغسل أشرعة بعض Cant See Images

مشكلتنا كل طرف (زوج أو زوجة) يعامل الطرف الآخر بمفهومه أو بمعنى أصح باللي يحبه هو
ولا يحاول يفهم الطرف الثاني ويعرف وش يحب ويفضل
بمعنى الرجل مثلا يحب يدخل البيت وتستقبله زوجته بإبستامة وكلام حلو خالي من الشكاوي والطلبات (ما يتكلم عن نفسه ترا Cant See Images )
وبالتالي يعامل زوجته بالمثل ظنا منه إنه سوا لها كل شي يرضيها

وعلى العكس الزوجة لما تطلع من مناسبة مثلا وبمجرد ما تركب السيارة تنشر غسيل كل اللي في المناسبة ظنا منها إن زوجها يعجبه هالشي مثل ما يعجبها Cant See Images

والمقصد إنه مفروض كل طرف يحاول يفهم الثاني ولو اضطر يسأله

وهذا قد يكون سبب لإجحاف الرجل بكلمات الحب

لكن باعتقادي السبب الرئيسي ونكون صريحين فيه شوي Cant See Images
هو نشأتنا بجو ما نسمع فيه كلمة حب !!
لدرجة صارت شبه محرمة وانزرع فينا إن كلمات الحب ما تنقال إلا في الأفلام والا الغزل (غير الشرعي)
وصرنا نتخوف نقولها (حتى الواحد يستحي يقول لزوجته حبيبتي قادم الخلق Cant See Images )

لكن لو نشأنا على أن تقال هالكلمة بمكانها الصحيح
الأب يقولها قدام أبنائه لأمهم ولا يحرمهم منها برضوه
الأم تشبّع رغبات بناتها وعيالها منها
حتى الأبناء والبنات فيما بينهم ومع والديهم

باعتقادي هالشي راح ينشئهم ويعودهم على كلمات الحب
وبالتالي ما راح تكون صعبة أبدا

فاصلة،،

نصيحة : "ايها الرجل اخبر زوجتك بمشاعرك نحوها فذلك ليس عيبا حتى الكلمات الجميلة امام اولادك

الزوج مو رجل آلي مبرمج مسبقا.. مهما كانت ثقافة وطبيعة الرجل.. المرأة الذكية بيدها مفاتيح التغيير
مثل ما قلت تحاول تفهمه (بتسكين الفاء وفتح الهاء) أولا وتفهمه (بفتح الفاء وتسكين الهاء) ثانيا
وراح توصل لمبتغاها Cant See Images


آسف على الإطالة
لكن الموضوع ذو شجون

يعطيك العافية مشرفتنا الغالية
ونحلة المنتدى ندى

تصدقون!!! أخبر زماااان قبل زواجي كنت أضحك على سوالف المتزوجين
كنت أحمد ربي على عزوبيتي وأقول ياااااااااااحلاتك يالعزوبيه بلا وجع راس بلا خربطة بزران ورح جيب ملح وكيلو طماط!!!!

ألحين ما أقول غير الله ياخذ العزوبيه وساعتها,,
أنا عندي أصبح وأمسي على إزعاج بناتي والمسيكينه اللي متحملتني ولا قرف العزوبيه وخرابيطها,, يالله لك الحمد,,

أرجع للموضوع ,, بكل صراحه !!! أنا ما صدقت عيوني يوم شفت عنوان الموضوع!!! والله صحيح!!
ماني مصدق إنه حنا العرب اللي نتغنا كل يوم بقيس وليلى وطقتهم وننتهي بعنوان موضوع في منتدانا يقول إنه فيه من رجالنا ما يعرف شلون يكلم حرمته!!! والله فشيله ههههههههه,,, تخيلوا قيس وليلى باقي عايشين!! أدري إنهم زودوها حبتين لكن من جد ترى!!! وشو اللي ما يعرف يقول لحرمته إنه يحبها ويدلعها وعلى قولة حبايبنا أهل مصر يستتها ويزأططها هههههههه.

والله شي غريب!! ما أدري الصراحه !! معقوله فيه رجل متزوج ما يقول لحرمته إنه يحبها ومن هالكلام!! والله ماني مصدق!! طيب سؤال,, وش يسوون أجل؟ وش يحكون مع بعض وش يقولون هههههه ؟!!!!! يعني من يوم ما يرجع سعادته من الدوام إلين ما يصبح اليوم الثاني وهم مقابلين بعض,,, وش يسووووووون ههههههههه بموت من الضحك!!

انتوا بس تخيلوها شوي,,,!!

[أصايل]

كلمة أحبك جميلة ولكن يجب الا ننتظرها هي فقط كـ " كلمة " للتعبير

فبعض الرجال يقول لزوجته أنه يحبها كل يوم وكل وقت دون نطق كلمة أحبك ..

فالإحترام محبة ..

تلبية طلبات البيت والصبر والحلم محبه ..

الإبتسامه بعد عمل يوم متعب ... محبه ..


المشكلة في عدم معرفة البعض اين نجد الحب ..

لا كيف ننطقة أو نسمعه ..؟؟

نريد مايدخل قلوبنا قبل أذنينا ..





دمتم بمحبة Cant See Images